გირჩის წევრი იაგო ხვიჩია სოციალურ ქსელში პოსტს აქვეყნებს:
ბიძინამ, პროპორციული საარჩევნო სისტემის კანონპროექტი დადო, ნულოვანი ბარიერით 2020 წელს.
პროპორციულზე ვერაფერი ვერ თქვეს მაგრამ არანაკლები ეშხი ნულოვან ბარიერშია და სწორედ ამიტომ აჭიჭყინდნენ ვადაგასული პოლიტიკოსები, გრძნობენ რომ მათი დრო მიდის ამით.
ენჯეო სექტორს გრანტი უნდა, ოპტიმალური ბარიერის ზღვარის დადგენის მიზნით შეხვედრები და კონსულტაციები რომ დააორგანიზოს.
ამიტომ, არც მათ არ მოსწონთ ბუნებრივი ბარიერი.ჩემი აზრით, ყველაფერი უნდა გავაკეთოთ, რომ სულ ამ წესით ვიცხოვროთ და მხოლოდ ერთჯერადი საჩუქარი არ იყოს მთავრობისგან.
ეს რომ შევძლოთ და ახლა, როცა შანსი გაჩნდა, ქვეყნის საძირკველში ჩავაბეტონოთ სრულად პროპორციული სისტემა ბუნებრივი ბარიერით, ისტორიაში საუკეთესო კონსტიტუცია გვექნება.
ირონიული ისაა, ამ ყველაფერში, რომ ისტორიაში ყველაზე უარესი პარლამენტის მიღებული იქნება ეს.
მაგრამ პოლიტიკა იმიტომაც არის საინტერესო, რომ ასეთი ამბებიც ხდება.
გულწრფელი რომ ვიყო გამოვტყდები, რამდენიმე მიზანი მაქვს, რომლის განხორციელებაც ძალიან მინდა მოვასწრო ცხოვრებაში.
ერთ ერთი მათგანი, პროპორციული საარჩევნო სისტემაა ბუნებრივი ბარიერით.
როგორიც ვიღაცეებისთვის იბერიის გაბრწყინებაა, ეგეთი რამეა ეგ ჩემთვის.და ცოტა ხნის წინ, ოცნებაში ვერ წარმოვიდგენდი რომ ეს ახლა ამ ქვეყანაში შესაძლებელი ამბავი იქნებოდა.
მაგრამ სასწაულებიც ხდება და ამიტომაც მევასება ეს ქვეყანა.მე ძალიან მინდა ეს წესრიგი სამუდამოდ ჩაიდოს ამ ქვეყნის კონსტიტუციაში და არა მხოლოდ 2020 ში.
რაც 2020 ში კარგია ის 2024 ში ცუდი ვერ იქნება. ვერც მერე.მხოლოდ ამ მოთხოვნით მივიღებ მონაწილეობას, ამ თემაზე დისკუსიებში.
მართალია მე არ მერგო ბედნიერება ამისთვის ხმა მიმეცა, მაგრამ თუ ეს სრულყოფილად გამოვიდა, იმ ხალხსაც კი შეეძლება რაღაც წესიერი უთხრას შთამომავლობას, გუშინ მელიას დაჭერას რო ემხრობოდა, გულმხურვალედ.