მსახიობი სალომე შარვაძე, რომელიც პოპულარულ სერიალ „ჩემი ცოლის დაქალებში“ ქეთის როლს ასრულებს, ჟურნალ „სარკესთან“ მისი როლის შესახებ საუბრობს:
„ჩემი პერსონაჟი ძალიან მიყვარს და ძალიან ვგულშემატკივრობ. ზაზას ადგილზე აუცილებლად ვაპატიებდი! აუცილებლად! და ჩემს ხელში რომ იყოს ქეთის ბედი, პირველ რიგში, ძალიან გავახდუნებდი. ისე ძალიან სანდო და კარგ ხელშია, ქეთი დევდარიანზე უკეთეს ხელში ალბათ ვერც მოხვდება ვერავინ.“- განაცხადა სალომე შარვაძემ.
ჩცდ-ს „ქეთიმ“ მის კინო-პარტნიორზე გიორგი ბოჭორიშვილზეც ისაუბრა, რომელიც ზაზას როლს ასრულებს:
„მე და გიორგი ჯგუფელები ვიყავით, დიდი ხანია ვმეგობრობთ და ძალიან მიყვარს, გარდა ამისა, მას უდიდეს პატივს ვცემ, როგორც ძალიან მაღალი კლასის მსახიობს. მასთან ერთად ყველაფერი ადვილია, იმდენად სწორ ემოციას გაძლევს, ძალიან უნდა მოინდომო, რომ სცენა გააფუჭო და ის კონკრეტული ეპიზოდი ცუდი გამოვიდეს. ფანტასტიკური პარტნიორია. მიხარია რომ ჩვენი კინოწყვილი საბოლოოდ შედგა“- აღნიშნა სალომე შარვაძემ.
